"Жалпы білім беру және гуманитарлық пәндер бірлестігі" онкүндігінің жоспарына сәйкес Кәсіби шет тілі пәні мұғалімі Д.Х.Асенбаева М-22-1 тобымен "Diet" тақырыбында ашық сабақ өткізді. Сабақ барысында пайдалы және зиянды тағамдар аталып, дұрыс тамақтану неден тұратындығы және дұрыс тамақтанудың адам денсаулығы үшін маңыздылығы талқыланды.
According to the ten-day plan of the “Union of General Education and Humanitarian Subjects”, professional foreign language teacher Asenbaeva D.Kh. conducted an open lesson on “Diet” with group M-22-1. During the lesson, healthy and unhealthy foods were mentioned, what constitutes healthy diet, and the importance of healthy diet for human health was discussed.

Президент Қасым-Жомарт Тоқаев 2025 жылды «Жұмысшы мамандықтары жылы» деп жариялады!
Ақорда Жарлығында: «2025 жыл Жұмысшы мамандықтарының жылы деп жариялансын! Қазақстан Республикасының Үкіметі Жұмысшы мамандықтарының жылын өткізу бойынша қажетті шараларды қабылдасын. Осы Жарлықтың орындалуын бақылау Қазақстан Республикасы Президентінің Әкімшілігіне жүктелсін», - делінген.

Президент осыған дейін:
«Біз жұмысшы мамандықтарын дәріптеу арқылы қоғамда еңбекқор және нағыз маман болу идеясын насихаттаймыз! Адал әрі табанды еңбегімен табысқа жеткен адамдар қашанда құрметті, сыйлы болуы керек. Бір сөзбен айтқанда, біздің қоғамда еңбекқорлық, кәсібилік сияқты қасиеттер өте жоғары бағалануға тиіс. Өз кәсібін жетік меңгерген мамандар ұлт сапасын арттырады. Жұмыстың жаманы жоқ, кез келген еңбек – қадірлі!», - деген еді.

Ал еңбек адамы деген кім?
Еңбек адамы дегеніміз, ең алдымен, таза жұмыс істейтін адам! Өзінің табысын маңдай терімен табатын, жанын салып жұмыс істейтін адам – еңбек адамы! Ол - дихан бола ма, ол - малшы бола ма, ол - жазушы бола ма, бәрібір. Маңдай терін салып жұмыс істеген әрбір адам – қадірлі!