Кентау колледжінде 2022-2023 оқу жылындағы 1 курс студенттерімен 24-28 сәуір аралығында алғашқы әскери және технологиялық дайындық пәнінен оқу дала жиыны өтілуде. Алғашқы әскери және технологиялық дайындық пәні оқытушысы Аримбеков Ж. студенттерді сапқа тұрғызып күн тәртібі кестесімен таныстырды.
Қыз балаларға Кентау колледжі мейірбикесі Ф.Мадезова алғашқы медициналық жәрдем көрсету шараларын түсіндіріп, көрсетті. Алғашқы көмектің негізгі шаралары: таңғыш тағу, қан тоқтату, жараны байлау, сынған аяқтың немесе қолдың қозғалысын тежеу, жүрекке жабық массаж жасау.
Оқу дала жиынының мақсаты: отан сүйгіштікке, елін қорғап, қастерлеуге бағытталады. Жас сарбаздар оқу дала жиынында автомат шашу, жинаудан және мылтық атудан, күшін сынау үшін турникке тартылды.
Сонымен Қатар дала жиынның соңғы күнінде колледж студенттері “Таулы Қарабах ардагерлерінің жүлдесі үшін өткізілген әскери-қолданбалы” эстафетасына белсене қатысып қайтты.
