Кентау қалалық емханасында ребилитация орталығы үздіксіз жұмыс жасауда. Қала тұрғындарына дәрігердің жолдамасы арқылы МӘМС жүйесі аясында қолжетімді тегін қызмет көрсетілуде. Реабилитация бөлімшесінде физиотерапиялық ем шаралар атап айтқанда, электрофарез, парафин, тұз шахтасы және массаж кабинеті тұрғындардың денсаулығын жақсарту мақсатында қызмет етеді.

Емханаға ем алуға келген тұрғындарға сапалы қызмет көрсетіп келе жатқан мамандарға тұрғындар қашанда алғыс айтудан жалыққан емес. Сондай алғыстардың бірі массаж кабинетінің массажисті Кентау колледжінің 2021 ж. Емдеу ісі мамандығының түлегі  Болатов Бақдаулетке жолданды. Бақдаулет өзі жұмысқа енді орналасқан жас маман болса да өз ісінің шебері.

Қала тұрғыны Балтабаева Әсел Нәлібайқызы өз алғысын былайша жеткізеді:

«Мен бірнеше жылдардан бері бел остеохандрозынан зардап шегіп келемін. Дәрігерлер берген барлық ем-шараларды үздіксіз қабылдаймын алайда ауру қайта басталады. Соңғы тексерістен кейін өзімнің учаскелік дәрігерім емханада ашылған реабилитация бөлімшесіне массаж кабинетіне жолдама берді. Бастапқыда сенімсіздікпен барған едім. Алайда, Бақдаулет есімді жігіт өзінің жылы сөздерімен және біліктілігімен дертіме шипа сыйлады. Осы массажды жастқалы бері менің ауруым жеңілдеп, айығып, жан тыныштығын тапқандаймын. Осы бөлімшені басқарып отырған бейінді мамандар бөлімінің меңгерушісі Оспан Хусайынұлына және бөлімнің аға мейірбикесі Төлегенова Рахат Даулетярқызына және Бақдаулет пен оның ата-анасына шексіз ризашылығымды білдіргім келеді. Жұмыстарыңыз алға баса берсін!»

Кентау қалалық емханасының әрбір мамандары қала тұрғындарының денсаулығын жақсарту жолында үздіксіз қызмет етуге әзір. Тұрғындардың денсаулығы біздің басты байлығымыз!