12 сәуір еліміздің ғылым қызметкерлер күнін атап өту және Ұлттық Ғылым Академиясының тұңғыш президенті Қ.И.Сәтбаевтың туған күніне орай, Кентау колледжінде ғалым, ұстаз, медицина ғылымдарының кандидаты, доцент Омаралиев Мустафа Исрафилович пен "Мейіргер ісі" мамандығы М-20-1 тобының студенттерімен кездесу өткізілді. Кездесуде студенттердің ғылымға деген құштарлықтары артып, қызығушылықтары ашылды.
Омаралиев М.И. "Үздік педагог 2020" төс белгісімен және 1 дәрежелі дипломымен, "Яссауи жылы" медалімен, Қазақстан Республикасының білім беру жүйесін дамытуға зор үлес қосқаны үшін Министр А.Аймағамбетовтың алғыс хатымен марапатталған. Ғалымның Нақты қадам, кемелденген білім, табысты нәтиже 100 жаңа есім энциклопедиясында есімі жарияланған. Анатомия ғылымына байланысты бірнеше кітабы жарық көрген.
Қазіргі таңда Омаралиев М.И. Қожа Ахмет Ясауи атындағы Халықаралық қазақ-түрік университетінде "Анатомия" факультетінің меңгерушісі және Кентау колледжінде анатомия пәнінің оқытушысы қызметін атқарады.
https://medkolledjkentay.kz/kz/kolledzhe-2/359-12-s-uir-elimizdi-ylym-yzmetkerler-k-nin-atap-tu-zh-ne-ltty-ylym-akademiyasyny-t-ysh-prezidenti-i-s-tbaevty-tu-an-k-nine-oraj.html#sigFreeId2c71b3e22c
